The Making of Mahatma‌ || गांधी से महात्मा तक

મહાન વ્યક્તિના જીવન પર ત્રણ કલાકની ફિલ્મમાં બનાવવીએ દિગ્દર્શક માટે પડકારજનક છે. રિચાર્ડ એટનબરોની ગાંધી(1982) ફિલ્મ એનું ઉત્તમ ઉદાહરણ છે. ફિલ્મમાં ઘણાં પ્રસંગો ટૂંકમાં પતાવી દેવામાં આવ્યા છે. જો કે એ બધું ભૂલીને ગાંધીજીના જીવન પર બનેલી આ સૌ પ્રથમ ફિલ્મને સૌએ આવકારી. 

Courtesy : pinterest.com

ફિલ્મ બનાવનાર અને ગાંધીનું પાત્ર ભજવનાર વિદેશી હતા. તેથી આ ફિલ્મ ઑસ્કાર સુધી પણ પહોંચી. ઘણાં લોકોને આ ફિલ્મ માટે ઑસ્કર પ્રાપ્ત થયો. આ ફિલ્મના કોસ્ચ્યુમ ડિઝાઈનર ભાનુ આથૈયા ઑસ્કર મેળવનાર પ્રથમ ભારતીય બન્યા. 

ભાનુ આથૈયા 

Image Courtesy : cnn.com

જો કે આ ફિલ્મના ચૌદ વર્ષ બાદ ભારતીય ડિરેક્ટર શ્યામ બેનેગલે 1996માં ગાંધીના મહાત્મા બનવાની સફર અંગે દક્ષિણ આફ્રિકાના લેખિકા ફાતિમા મીરના 1970માં આવેલા પુસ્તક The Apprenticeship of a Mahatma પરથી The Making of Mahatma નામની ફિલ્મ બનાવી. 

Courtesy : primevideo.com

રિચાર્ડ એટનબરોએ પોતાની ફિલ્મમાં દક્ષિણ આફ્રિકાના સત્યાગ્રહના જે પ્રસંગો ટૂંકમાં પતાવી દીધા છે. એનું આ ફિલ્મમાં વિસ્તૃત વર્ણન છે. પીટર મારીત્ઝબર્ગ સ્ટેશન પર ઉતારી પાડવા, કોર્ટમાં પાઘડી ઉતરાવવી, દાદા અબ્દુલાનું તેમના ભાઈ તૈયબજી સાથે સમાધાન કરાવવું, ત્યાં રહેતા ભારતીયોને કૂલી ગણીને તેમની સાથે થતો અમાનવીય વહેવાર, કાળા-ગોરાનો ભેેદ, ત્યાં રહેતા ભારતીય મજૂરોની સમસ્યાઓ, ત્રણ પાઉન્ડના પોલ ટેક્સનો વિરોધ, ભારતીયોની નાગરિકતા અંગેના પ્રશ્નો, 'ઈન્ડિયન ઓપીનિયન' નામના છાપાની શરૂઆત, ત્યાં તેમણે આદરેલા સત્યાગ્રહ, પોતાના પરિવારની કેટલીક સમસ્યાઓ જેેવા ઘણાં પ્રસંગો આ ફિલ્મમાં આવરી લેેવાયા છે.

યુવાન ગાંધીના રોલમાં રજીત કપૂર ફિટ બેસે છે. પલ્લવી જોષીએ પણ કસ્તુરબાના પાત્રને સારો ન્યાય આપે એવો અભિનય કર્યો છે. ખાસ કરીને શ્યામ બેનેગલનું દિગ્દર્શન પણ વખાણવા લાયક છે. અંતે આ ફિલ્મમાં ગવાયેલું ગાંધીજીનું પ્રિય ભજન "વૈષ્ણવજન..." આ ફિલ્મ તમે નીચે આપેલી યુ-ટ્યુબની લિંક પર નીહાળી શકશો. 

Movie Link : https://youtu.be/joGzZtUmNKI 

માહિતી સૌજન્ય : વિકિપીડિયા