Happy Raxabandhan

બાળપણમાં એક વખત મને હોસ્પિટલમાં દાખલ કરવામાં આવ્યો હતો. એક દિવસ મને ચેક  કરવા આવેલા ડૉકટરે પૂછ્યું કે "બેટા તારે કોઈ બહેન છે?"

મેં કહ્યું : "હા"

ડૉકટરે પૂછ્યું : "કેટલી બહેનો છે?"

"બે" 

"બંને બહેનોના શું નામ છે?"

"સંતોક અને ભાવના"

ડૉક્ટરે આટલું પૂછતાં પૂછતાં મને ધીમેથી એક ઇન્જેક્શન આપી દીધું.

એ પછી ડૉક્ટરે મારા પપ્પાને પૂછ્યું ‌: "તમારી બંને દીકરીઓ ક્યાં છે?" 

"સાહેબ મારે એકપણ દીકરી નથી."

ડૉક્ટરને આશ્ચર્ય થયું. 

"પરંતુ તમારો દીકરો તો કહે છે કે મારે સંતોક અને ભાવના એમ બે બહેનો છે." 

"ડૉક્ટર સાહેબ એ બંને તો એને સ્કૂલમાં ભણાવતી બહેનો છે." 

આ સાંભળીને ડૉક્ટર તથા આસપાસ ઊભેલા સૌના ચહેરા પર હળવું સ્મિત આવી ગયું અને આ પ્રસંગ મારા માનસપટ પર અંકિત થઈ ગયો. 

 રક્ષાબંધનની શુભેચ્છાઓ 💐