તારી દોસ્તી !

 તારી દોસ્તી 

સાવ સાદી સમજણમાં થઈ તારી દોસ્તી,

મારી સાથે બચપણમાં થઈ તારી દોસ્તી.

નાનપણમાં એ ઘર ગથ્થાની રમતમાં,

આપણા એ આંગણમાં થઈ તારી દોસ્તી

ફેસ જોઈ રીક્વેસ્ટ મેં મોકલી'તી,

ફેસબુક ની અટકળમાં થઈ તારી દોસ્તી

અંતરાયા આવ્યા હતા કેટલાયે,

કેટલીયે અડચણમાં થઈ તારી દોસ્તી

આપણું મળવું એ સમયનો છે સંયોગ,

નાની મોટી ચળવળમાં થઈ તારી દોસ્તી.

એકમેકની આંખો મળી ભૂલી ન શકાય,

ભાઈબંધના સગપણમાં થઈ તારી દોસ્તી.

એમા ઉંમરનો બાધ ક્યાં હોય 'હમરાઝ' ?

એટલે તો ઘડપણમાં થઈ તારી દોસ્તી.

~ હિમાંશુ ચાવડા 'હમરાઝ'